सोनं ३ लाखांच्या पार जाणार ? इराण-इस्रायलच्या युद्धानं बाजार पेटला; गळ्यात ‘तोरण’ घालायचं की ‘दोरी’, सामान्यांना फुटला घाम!
सोनं ३ लाखांच्या पार जाणार ? इराण-इस्रायलच्या युद्धानं बाजार पेटला; गळ्यात 'तोरण' घालायचं की 'दोरी', सामान्यांना फुटला घाम!
नवी दिल्ली : iran israel war impact gold prices may cross rs 3 lakh experts predict – जगभरात युद्धाचा धुरळा उडालाय आणि त्याचा थेट ‘ठसका’ सोन्याच्या भावात बसलाय. अमेरिका आणि इस्रायलने इराणवर काय हवाई हल्ले केले, तेव्हापासून शेअर बाजार ‘धाडकन’ कोसळला आणि पिवळ्या धातूने मात्र ‘रॉकेट’सारखी झेप घेतलीया. आता तर तज्ज्ञ अशी भविष्यवाणी करतायत की, येत्या काळात सोनं ३ लाख रुपये तोळा झालं तरी नवल वाटायला नको!
क्रिस वुड यांचा तो ‘खतरनाक’ दावा!
जेफरीजचे मोठे साहेब क्रिस वुड यांनी तर थेट बॉम्बच फोडलाय. त्यांच्या मते, पुढच्या ५ वर्षांत सोन्याच्या किमती सध्याच्या पेक्षा पार दुप्पट होतील. जो १ तोळा आता दीड-पावणे दोन लाखाला मिळतोय, तो भविष्यात ३ लाखांच्या पुढं जाईल. एखाद्या म्युच्युअल फंडात पैसे दुप्पट व्हायला ६-७ वर्ष लागतात, पण सोन्याने तर आता ‘सुपरफास्ट’ गिअर टाकलाय!
सोनं एवढं का ‘उफाळून’ आलंय?
-
युद्धाचा वणवा: इराण-इस्रायलमध्ये कधी काय होईल याचा नेम राहिलेला नाही. त्यात डोनाल्ड ट्रम्प म्हणतायत, “जोवर आमचं ध्येय साध्य होत नाही, तोवर हे युद्ध असंच पेटत राहील.”
-
-
गुंतवणूकदारांची पळापळ: जेव्हा जगात राडा होतो, तेव्हा मोठे लोक जमिनीवर किंवा शेअरवर विश्वास ठेवत नाहीत. ते सरळ ‘पिवळ्या धातूत’ पैसे ओततात, कारण तिथं पैसा सुरक्षित राहतोय.
-
बँकांचा खटाटोप: जगातील मोठ्या मध्यवर्ती बँका सुद्धा सोन्याची तुफान खरेदी करायला लागल्यात, त्याचाच हा सगळा परिणाम!
पुढं काय वाढून ठेवलंय?
एलारा कॅपिटलच्या रिपोर्टनुसार, जर हा तणाव असाच राहिला तर सोन्याचा दर सुसाट सुटेल. सध्याच्या भावात अजून १.५० लाखांची भर पडण्याची भीती हाय. म्हणजे आता पिवळं सोनं बघून फक्त डोळे मिटावे लागतील अशी गत झालीया!
खरा मुद्दा: “एकीकडं इराण-इस्रायलचे क्षेपणास्त्र हवेत फिरतायत, तर दुसरीकडं सोन्याचा भाव सामान्यांच्या आवाक्याबाहेर पळतोय. आता गळ्यात सोनं घालायचं की फक्त स्वप्नातच बघायचं, असा प्रश्न पडलाय!”
(कानमंत्र: ही माहिती तज्ज्ञांच्या दाव्यावर आधारित हाय. सोन्यात मोठी गुंतवणूक करायची असेल, तर घाई न करता बाजाराची परिस्थिती बघूनच पाऊल टाका. उगीच ‘हवा’ झालीये म्हणून पैसे अडकवू नका!)
