खिशाला बसणार फटका ! Airtel, Jio आणि Vi चे प्लॅन्स इतके असतील महागडे, पाहून तुम्हाला घाम फुटेल
खिशाला बसणार फटका ! Airtel, Jio आणि Vi चे प्लॅन्स इतके असतील महागडे, पाहून तुम्हाला घाम फुटेल
नवी दिल्ली : दरवर्षीप्रमाणे या वर्षीही टेलिकॉम कंपन्या ग्राहकांच्या खिशाला फटका बसवणार आहेत, होय, या वर्षीही प्रीपेड प्लॅन महागणार आहेत. अलीकडील अहवालानुसार, Airtel, Jio आणि Vodafone Idea उर्फ Vi सारख्या कंपन्या दिवाळीपर्यंत त्यांच्या प्लॅनच्या किमती 10 ते 12 टक्क्यांनी वाढवू शकतात.
याचा अर्थ या वर्षी ऑक्टोबर किंवा नोव्हेंबर 2022 मध्ये दरवाढ दिसून येईल. विश्लेषकांच्या मते, या दरवाढीमुळे कंपन्यांचा सरासरी महसूल प्रति वापरकर्ता (ARPU) 10 टक्क्यांनी वाढेल, ज्याचा फायदा कंपन्यांना होईल.
अहवालात असे नमूद करण्यात आले आहे की यावर्षी प्रीपेड प्लॅनच्या ( Prepaid Plans Tarriff Hike ) दरात वाढ झाल्यानंतर, Airtel, Jio आणि Vodafone Idea (Vi) चे ARPU अनुक्रमे 200 रुपये, 185 रुपये आणि 135 रुपये असतील. मजबूत 4G नेटवर्कमुळे, विश्लेषकांना अपेक्षा आहे की रिलायन्स जिओ आणि एअरटेल या दोघांच्याही FY23 मध्ये ग्राहकांमध्ये लक्षणीय वाढ होईल.
या वर्षीच्या दरवाढीमुळे, एअरटेल 200 रुपये एआरपीयूचे अल्पकालीन लक्ष्य गाठेल. परंतु मध्यम ते दीर्घ कालावधीसाठी, कंपनीला आपला ARPU 300 च्या जवळ नेयचा आहे, याचा अर्थ असा की येत्या काही वर्षांतही दरात वाढ होईल ज्याचा थेट परिणाम वापरकर्त्यांच्या खिशावर होईल.
