मारुतीची पहिली इलेक्ट्रिक कार ई विटारा लाँच, किंमत ₹10.99 लाखांपासून सुरू, Windsor EV संपेल का?

नवी दिल्ली : मारुती सुझुकीने अखेर आपल्या पहिल्या इलेक्ट्रिक कारची म्हणजेच Maruti e Vitara ची सुरुवातीची किंमत जाहीर केली आहे. मारुती ई-विटाराची सुरुवातीची एक्स-शोरूम किंमत ₹१०.९९ लाख ठेवण्यात आली आहे, ती सुद्धा खास ‘बॅटरी रेंटल स्कीम’सह. सध्या तरी सर्व व्हेरियंट्सच्या किमती समोर आलेल्या नाहीत, पण ही इलेक्ट्रिक SUV अशा ग्राहकांसाठी आणली गेली आहे ज्यांना ‘भरोशाचा ब्रँड’, कमी रनिंग कॉस्ट आणि प्रॅक्टिकल फीचर्स असलेली EV हवी आहे. चला तर मग, याचे खास फीचर्स आणि डिटेल्स जाणून घेऊया.

व्हेरियंट्स आणि बॅटरी ऑप्शन्स Maruti e Vitara तीन व्हेरियंट्समध्ये सादर करण्यात आली आहे – Delta, Zeta आणि Alpha. यात दोन बॅटरी ऑप्शन्स मिळतात:

• ४९ kWh बॅटरी: ही केवळ बेस व्हेरियंटमध्ये उपलब्ध आहे.

  Related Articles

  • 
    गरीबाचं चंगळ, 6.49 लाखात मिळतेय इलेक्ट्रिक कार, एका चार्जमध्ये धावणार 468 किलोमीटर

    March 15, 2026
  • 
    ही बाईक फक्त १८०० च्या EMI वर घरी आणा, फुल टॅंक मध्ये ७०० किमी धावणार, जाणून घ्या किंमत

    March 12, 2026

• ६१ kWh बॅटरी: ही बॅटरी टॉप दोन व्हेरियंट्समध्ये मिळेल. मोठ्या बॅटरीसह या SUV ची क्लेम्ड रेंज ५०० किमीपेक्षा जास्त सांगितली जात आहे.

डिझाइन: सिम्पल पण दमदार लूक Maruti e Vitara चे डिझाइन खूप जास्त फ्युचरिस्टिक न ठेवता ‘ट्रॅडिशनल’ ठेवले आहे. SUV चा लूक एकदम चंकी आणि रग्ड वाटतो. व्हील आर्चेसवरचे मस्कुलर हंचेस तिला एक पॉवरफुल लूक देतात. याची लांबी साधारण Grand Vitara सारखीच आहे, पण उंची थोडी कमी वाटते. यात १० कलर ऑप्शन्स (मोनोटोन आणि ड्युअल-टोन) उपलब्ध आहेत.

इंटीरियर: प्रॅक्टिकॅलिटी आणि प्रीमियम फील कॅबिनमध्ये बसल्यावर ही कार मारुतीच्या इतर गाड्यांसारखी वाटत नाही. इंटीरियर क्वालिटीमध्ये कंपनीने सुधारणा केली आहे. गरजेच्या फंक्शन्ससाठी फिजिकल बटन्स दिले आहेत, जे चालवताना खूप सोयीचे पडतात.

दैनंदिन गरजांनुसार खास फीचर्स

• १०.२५-इंच डिजिटल ड्रायव्हर डिस्प्ले (क्लियर ग्राफिक्ससह)

• १०.१-इंच टचस्क्रीन इन्फोटेनमेंट सिस्टम

• वायरलेस Apple CarPlay आणि Android Auto

• व्हेंटिलेटेड फ्रंट सीट्स (थंड हवा देणाऱ्या सीट्स)

• १०-स्पीकर Infinity साउंड सिस्टम

• फिक्स्ड ग्लास रूफ आणि वायरलेस फोन चार्जर

• ऑटो हेडलॅम्प्स आणि रेन सेन्सिंग वायपर्स

सेफ्टी फीचर्स

• ७ एअरबॅग्स (काही व्हेरियंटमध्ये ९ पर्यंत)

• ३६०-डिग्री कॅमेरा आणि फ्रंट-रिअर पार्किंग सेन्सर्स

• इलेक्ट्रॉनिक पार्किंग ब्रेक + ऑटो होल्ड

• लेव्हल-२ ADAS (Advanced Driver Assistance System)

• Bharat NCAP मध्ये ५-स्टार सेफ्टी रेटिंग

पावरट्रेन आणि परफॉर्मन्स यातील ४९ kWh बॅटरी पॅक १४४ PS पॉवर आणि १९२.५ Nm टॉर्क जनरेट करतो. तर ६१ kWh चा दुसरा बॅटरी पॅक १७४ PS पॉवर देतो. कंपनीने या मोठ्या बॅटरीसाठी ५०० किमीपेक्षा जास्त ड्रायव्हिंग रेंज क्लेम केली आहे.

बॅटरी-ॲज-अ-सर्व्हिस (BaaS) स्कीम या प्लॅनची खास गोष्ट म्हणजे कार खरेदी करताना तुम्हाला बॅटरीची पूर्ण किंमत एकदम भरावी लागत नाही. कारची सुरुवातीची किंमत ₹१०.९९ लाख आहे. बॅटरीसाठी तुम्हाला स्वतंत्रपणे EMI किंवा वापरानुसार चार्ज (सुमारे ₹३.९९ प्रति किमी) द्यावा लागेल, ज्यामुळे सुरुवातीचा आर्थिक बोजा कमी होतो.