WagonR ला टक्कर देण्यासाठी सुझुकीची इलेक्ट्रिक कार लवकरच लाँच होणार; टेस्टिंग सुरू, जाणून घ्या फीचर्स
Suzuki e-WagonR: Suzuki आपली नवीन छोटी electric car लाँच करण्याच्या तयारीत आहे. युरोपमध्ये या कारची testing सुरू झाली असून WagonR सारख्या बॉक्सी डिझाइनसह ही EV बाजारात येऊ शकते.
वेगवान न्यूज / लेखक : ऋषिकेश गांगुर्डे
नवी दिल्ली : वाहन निर्माता कंपनी Suzuki कडून विविध सेगमेंटमध्ये गाड्यांची विक्री केली जाते. मीडिया रिपोर्ट्सनुसार, कंपनी आता इलेक्ट्रिक सेगमेंटमध्ये एक लहान आकारात असणारी electric car बाजारात आणण्याच्या तयारीत आहे. ही गाडी कोणत्या नावाने ओळखली जाऊ शकते, तिची काय वैशिष्ट्ये समोर आली आहेत आणि लाँचिंगबद्दल काय माहिती मिळाली आहे, ते सविस्तर जाणून घेऊया.
लहान इलेक्ट्रिक कारची तयारी सुरू मीडिया रिपोर्ट्सनुसार, Suzuki कडून नवीन लहान electric car ऑफर करण्याची तयारी वेगाने सुरू आहे. जरी कंपनीने अद्याप याबद्दल कोणतीही अधिकृत किंवा औपचारिक माहिती दिलेली नसली, तरी या प्रोजेक्टवर वेगाने काम सुरू आहे.
युरोपमध्ये सुरू आहे Testing रिपोर्ट्सनुसार, Suzuki कडून या गाडीची road testing सुरू करण्यात आली आहे. मिळालेल्या माहितीनुसार, या कारचा prototype नुकताच युरोपमध्ये रस्त्यांवर फिरताना स्पाय झाला आहे.
काय माहिती समोर आली आहे? Testing दरम्यान दिसलेल्या युनिटचे डिझाइन बॉक्स टाईप (boxy design) ठेवण्यात आले आहे. भारतातील लोकप्रिय Wagon R च्या डिझाइनशी हे बरेच मिळतेजुळते आहे. जरी टेस्ट मॉडेल पूर्णपणे कव्हर करण्यात आले असले, तरी यामध्ये projector headlight, ADAS, rear spoiler, rear wiper, defogger आणि antenna यांसारखे प्रीमियम फीचर्स दिले जाण्याची शक्यता आहे.
कधी होणार लाँच? सध्या Suzuki कडून या गाडीची युरोपमध्ये टेस्टिंग केली जात आहे. ही कार पुढील वर्षापर्यंत लाँच केली जाऊ शकते. सुरुवातीला कंपनी हिला युरोपमधील काही देशांसह जपानमध्ये लाँच करेल, ज्यानंतर टप्प्याटप्प्याने इतर देशांमध्ये उपलब्ध करून दिले जाईल.
भारतात लाँच होणार का? Suzuki साठी भारत ही अत्यंत महत्त्वाची बाजारपेठ आहे आणि भारतात कंपनीच्या अनेक hatchback गाड्यांना प्रचंड मागणी आहे. अशा परिस्थितीत, जर ही छोटी EV भारतात लाँच केली गेली, तर ती Tata Tiago EV आणि MG Comet EV सारख्या गाड्यांना तगडी टक्कर देऊ शकते आणि भारतीय बाजारात उत्तम कामगिरी करू शकते.
