निसानने काढली मारुती एर्टीगाचा बाप, 5.65 लाखात 7-सीटर कार, जबरदस्त मायलेजसह 45 हून अधिक सेप्टी फिचर्स

नवी दिल्ली : भारतात निसान ग्रॅविट (Nissan Gravite) या कॉम्पॅक्ट MPV ची विक्री अधिकृतपणे सुरू झाली आहे. कंपनीने याची सुरुवातीची किंमत ५.६५ लाख रुपये ठेवली असून, ही सवलत पहिल्या १,००१ युनिट्ससाठी लागू असेल. ही नवीन MPV ‘CMF-A+’ प्लॅटफॉर्मवर आधारित आहे, ज्यावर रेनॉ ट्रायबर बनवण्यात आली आहे. मात्र, ग्रॅविटमध्ये अनेक कॉस्मेटिक बदल करण्यात आले आहेत. कंपनीने या कारचे बुकिंगही सुरू केले आहे.

वारंटी आणि लाँच ऑफर्स

निसान ग्रॅविटवर कंपनी ३ वर्षे किंवा १,००,००० किमीची स्टँडर्ड वारंटी देत आहे. ग्राहक ही वारंटी १० वर्षे किंवा ५,००,००० किमीपर्यंत वाढवू शकतात, जो या सेगमेंटमधील सर्वात उत्तम पर्यायांपैकी एक आहे. विशेष म्हणजे, पहिल्या ५,००० बुकिंग्सवर ग्राहकांना सुरुवातीची ५ वर्षे ‘झिरो सर्व्हिस कॉस्ट’ (मोफत सर्व्हिसिंग) मिळेल. याशिवाय फायनान्स आणि अपग्रेड बेनिफिट्सचाही लाभ घेता येईल.

निसान ग्रॅविट: एका नजरेत माहिती

डिझाइन आणि बाह्य रूप (Exterior)

ग्रॅविटची रचना ट्रायबरसारखी असली तरी तिला वेगळी ओळख देण्यासाठी काही बदल केले आहेत:

• नवीन DRL सिग्नेचर असलेले हेडलाइट्स.

• नवीन व्हील डिझाइन आणि रिडिझाइन केलेले बंपर.

• बोनेट आणि टेलगेटवर ठळक अक्षरात ‘GRAVITE’ नाव.

• हनीकोंब पॅटर्न ग्रिल आणि C-शेप सिल्व्हर इन्सर्ट.

• ही कार फॉरेस्ट ग्रीन, ओनिक्स ब्लॅक, ब्लेड सिल्व्हर, स्नो व्हाईट आणि मेटॅलिक ग्रे अशा रंगछटांमध्ये उपलब्ध आहे.

इंटीरियर आणि आधुनिक फीचर्स

कारचे केबिन ५+२ सीटिंग लेआउटसह येते, परंतु यात नवीन कलर स्कीम वापरली आहे.

• फीचर्स: ८-इंच टचस्क्रीन इन्फोटेनमेंट, ७-इंच डिजिटल ड्रायव्हर डिस्प्ले, वायरलेस ॲपल कारप्ले आणि अँड्रॉइड ऑटो.

• सोयीसुविधा: पुश-बटन स्टार्ट/स्टॉप, क्रूझ कंट्रोल, ऑटो LED हेडलाइट्स, रेन-सेन्सिंग वायपर्स, रिअर एसी वेंट्स, ऑटोमॅटिक क्लायमेट कंट्रोल आणि वायरलेस चार्जर.

• विशेष लाँच एडिशन: या लिमिटेड एडिशनमध्ये (फक्त १००१ युनिट्स) JBL साऊंड सिस्टम, ड्युअल-चॅनल डॅशकॅम आणि ॲम्बियंट लाइटिंग सारखे प्रीमियम फीचर्स मिळतील.

इंजिन आणि गियरबॉक्स

यात १.०-लिटरचे ३-सिलेंडर पेट्रोल इंजिन आहे जे ७२hp पॉवर देते. ग्राहकांना ५-स्पीड मॅन्युअल आणि ५-स्पीड AMT असे दोन पर्याय मिळतील. कंपनी लवकरच यात डीलर-फिट ड्युअल-सिलेंडर CNG किट देखील उपलब्ध करून देणार आहे, जे फक्त मॅन्युअल व्हेरिएंटमध्ये मिळेल.