आता पुन्हा मारुती ब्रेझा नव्या अवतारात ! बूट स्पेस वाढला, जाणून घ्या फीचर्ससह किंमत

वेगवान न्यूज / लेखक : ऋषिकेश गांगुर्डे

बूट स्पेसची कटकट कायमची संपली नवीन मारुती ब्रेझा फेसलिफ्ट आता शोरूम्समध्ये दाखल झाली असून यात काही मोठे बदल करण्यात आले आहेत. सीएनजी गाड्यांमध्ये सामान ठेवायला जागाच उरत नाही, ही ग्राहकांची सर्वात मोठी तक्रार मारुतीने दूर केली आहे. कंपनीने यात पहिल्यांदाच गाडीच्या खाली (अंडरबॉडी) सीएनजी टँक बसवला आहे. त्यामुळे कारची बूट स्पेस भलतीच वाढली असून सामानासाठी भरपूर जागा मिळते.

बाजारात तगडी स्पर्धा मारुतीने अलीकडेच 2026 ब्रेझाचा टीझर दाखवला होता आणि 23 जुलैला ही एसयूव्ही अधिकृतपणे लाँच केली. भारतीय बाजारात आपलं वर्चस्व टिकवून ठेवण्यासाठी कंपनीने या गाडीचं डिझाइन, फीचर्स आणि इंजिनमध्ये बरेच बदल केले आहेत. सब-4 मीटर सेगमेंटमध्ये या गाडीची थेट स्पर्धा टाटा नेक्सॉन, महिंद्रा एक्सयूव्ही 300, ह्युंदाई व्हेन्यू, किआ सोनेट आणि स्कोडा कुशाक सारख्या गाड्यांशी असणार आहे.

गाडीची साईझ आणि डायमेंशन्स नवीन ब्रेझाची लांबी 3995 मिमी, रुंदी 1790 मिमी आणि उंची 1685 मिमी ठेवण्यात आली असून तिचा व्हीलबेस 2500 मिमी आहे. ही ५ सीटर एसयूव्ही असून आतमध्ये ५ जण अगदी आरामात बसू शकतात. कंपनी या गाडीवर ३ वर्षे किंवा १ लाख किलोमीटर (जे आधी पूर्ण होईल ते) पर्यंतची वॉरंटी देत आहे.

प्रीमियम आणि ड्युअल-टोन इंटिरियर 2026 च्या या मॉडेलमध्ये आतून प्रीमियम अनुभव मिळावा म्हणून ड्युअल-टोन इंटिरियर थीम दिली आहे. दरवाजांवर क्रोम हँडल्स, डोअर आर्मरेस्टवर फॅब्रिक फिनिशिंग, लगेज लॅम्प, ग्लोव्ह बॉक्स आणि समोरच्या पायांच्या जागेवर लाईट्स (फूटवेल इल्युमिनेशन) यांसारखे फीचर्स मिळतात. सोबतच पियानो ब्लॅक फिनिशिंग, लेदर-रॅप्ड स्टीअरिंग व्हील आणि ऑटो-डायमिंग आयआरव्हिएममुळे केबिन अधिक आकर्षक दिसते.

किंमत किती? 2026 मारुती सुझुकी ब्रेझाची सुरुवातीची किंमत 7.40 लाख रुपये (एक्स-शोरूम) ठेवण्यात आली आहे. पण लक्षात ठेवा, ही किंमत फक्त सुरुवातीच्या काही काळासाठीच लागू असेल आणि नंतर त्यात वाढ केली जाऊ शकते.

मायलेज आणि इंजिनचा परफॉर्मन्स

• 1.0-लीटर टर्बो बूस्टरजेट (मॅन्युअल): याचे LXi/VXi व्हेरियंट 21.09 kmpl आणि ZXi/ZXi+ व्हेरियंट 20.81 kmpl चे मायलेज देईल असा अंदाज आहे.

• 1.5-लीटर स्मार्ट हायब्रिड पेट्रोल: यातील ZXi/ZXi+ मॅन्युअल प्रकारात 20.81 kmpl तर ऑटोमॅटिक प्रकारात 20.17 kmpl मायलेज मिळण्याची शक्यता आहे.

• 1.5-लीटर एस-सीएनजी (मॅन्युअल): सीएनजी मॉडेलमध्ये प्रति किलो 26.90 किमी एवढं जबरदस्त मायलेज मिळण्याची अपेक्षा आहे. (टीप: बॉलिवूड अभिनेता कार्तिक आर्यन हा मारुती ब्रेझाचा ब्रँड अॅम्बेसेडर आहे.)

सस्पेंशन, ब्रेक आणि टायर रस्त्यावरील उत्तम पकड आणि आरामदायी प्रवासासाठी यात पुढे मॅकफर्सन स्ट्रट आणि मागे टॉर्सन बीम सस्पेंशन दिले आहे. ब्रेकबद्दल बोलायचं तर पुढे व्हेंटिलेटेड डिस्क आणि मागे ड्रम ब्रेक मिळतात. ही गाडी 215/60 R16 साईझच्या टायर्सवर धावते.

गिअरबॉक्सचे पर्याय (ट्रान्समिशन) ब्रेझा फेसलिफ्टमध्ये ६-स्पीड मॅन्युअल आणि ६-स्पीड ऑटोमॅटिक गिअरबॉक्सचा पर्याय आहे. स्मार्ट हायब्रिड मॉडेलमध्ये ड्रायव्हिंगचा अधिक आनंद घेण्यासाठी स्टीअरिंगवर पेडल शिफ्टर्ससह ६-स्पीड ऑटोमॅटिक ट्रान्समिशन देण्यात आले आहे.

सीएनजी मॉडेलची ताकद सीएनजी व्हेरियंटमध्ये तेच दमदार 1.5-लीटर K15C इंजिन वापरले आहे, जे पेट्रोल आणि सीएनजी अशा दोन्ही मोडवर चालते. पेट्रोल मोडवर हे इंजिन 103.06 पीएस पॉवर आणि 136 एनएम टॉर्क देते, तर सीएनजी मोडवर 4,200 आरपीएमवर 121.5 एनएम टॉर्क जनरेट करते. यातील सीएनजी टँकची क्षमता ५५ लिटर पाण्याइतकी (वाटर कॅपॅसिटी) आहे.

पेट्रोल इंजिनची माहिती 1.5-लीटर स्मार्ट हायब्रिड पेट्रोल इंजिन 1,462cc चे असून ते 6,000 rpm वर 103.06 PS पॉवर आणि 4,400 rpm वर 139 Nm टॉर्क निर्माण करते. यात ४८ लिटरची इंधन टाकी दिली असून मारुतीची प्रसिद्ध स्मार्ट हायब्रिड टेक्नॉलॉजी यातही कायम ठेवण्यात आली आहे.

रंग आणि नवीन सीएनजी सेटअप नवीन ब्रेझा अनेक आकर्षक रंगांमध्ये उपलब्ध आहे. यात व्हिव्हिशियस ऑरेंज, लस्ट्रस बेज, पर्ल आर्क्टिक व्हाईट, ब्लूश ब्लॅक, स्प्लेंडिड सिल्व्हर, मॅग्मा ग्रे आणि सिझलिंग रेड हे सिंगल-टोन रंग मिळतात. तर ड्युअल-टोनमध्ये सिझलिंग रेड, लस्ट्रस बेज आणि पर्ल आर्क्टिक व्हाईट सोबत निळसर काळ्या (ब्लूश ब्लॅक) रंगाचं छप्पर (रूफ) जोडण्यात आलं आहे. विशेष म्हणजे मारुतीच्या व्हिक्टोरिया गाडीप्रमाणेच यातील सीएनजी टँक गाडीच्या खाली बसवल्यामुळे बूट स्पेस पूर्णपणे मोकळी आणि वापरण्यायोग्य मिळाली आहे.