पीएम किसान निधीचा हप्ता दिवाळीपूर्वी जाहीर होणार, पंतप्रधान शेतकऱ्यांच्या खात्यात 20 हजार कोटी पाठवणार

नवी दिल्ली : ( PM Kisan Nidhi yojna ) दिवाळीपूर्वी शेतकऱ्यांना पीएम किसान सन्मान निधीचा 12वा हप्ता मिळेल. 17 ऑक्टोबर रोजी भारतीय कृषी संशोधन संस्था, पुसा येथे आयोजित कार्यक्रमात पंतप्रधान नरेंद्र मोदी PM modi हा हप्ता जारी करतील. दोन दिवसीय राष्ट्रीय कृषी स्टार्टअप कॉन्क्लेव्ह आणि किसान संमेलनाचे उद्घाटन केल्यानंतर पंतप्रधान मोदी देशातील शेतकऱ्यांना संबोधित करणार आहेत. या परिषदेसाठी देशभरातील 25 हजारांहून अधिक प्रगत शेती करणाऱ्या शेतकऱ्यांना आमंत्रित करण्यात आले आहे.

दिवाळीपूर्वी पीएम किसान निधीच्या दोन हजार रुपयांच्या १२व्या हप्त्याची शेतकरी आतुरतेने वाट पाहत आहेत. यावेळी अंदाजे 20 हजार कोटी रुपये 10 कोटींहून अधिक शेतकर्‍यांच्या बँक खात्यात हस्तांतरित होतील असा अंदाज आहे. PM किसान सन्मान निधीतून देशातील 11.30 कोटी शेतकऱ्यांना 11 हप्त्यांमध्ये एकूण 2.10 लाख कोटी रुपये देण्यात आले आहेत.

यावेळी हप्ता जारी करण्यापूर्वी, कृषी मंत्रालयाने देशातील सर्व राज्यांना शेतकऱ्यांची पात्रता तपासण्याचे निर्देश दिले आहेत. ज्यांचे बँक खाते, आधार क्रमांक, जमिनीचे डिजिटल तपशील विहित मानकांची पूर्तता करणार नाहीत, त्यांचा हप्ता थांबवला जाऊ शकतो. पात्रता यादी अद्ययावत करून निकष पूर्ण करणाऱ्या शेतकऱ्यांनाच हा हप्ता दिला जाण्याची शक्यता आहे. प्रगतशील शेतकऱ्यांना निमंत्रित करण्यात आले

पुसा मेळा मैदानावर 17 आणि 18 ऑक्टोबर रोजी होणाऱ्या राष्ट्रीय स्टार्टअप कॉन्क्लेव्ह आणि किसान संमेलनात ज्या शेतकऱ्यांनी आपल्या सुधारित शेतीच्या बळावर गेल्या काही वर्षांत आपले उत्पन्न दुप्पट केले आहे अशा शेतकऱ्यांच्या प्रतिनिधींना आमंत्रित करण्यात आले आहे.

या कार्यक्रमात 300 हून अधिक स्टार्टअप स्टॉल्स उभारण्यात येणार आहेत. राष्ट्रीय कृषी विकास योजनेच्या रफ्तार प्रकल्पांतर्गत एकूण 3000 हून अधिक स्टार्टअप उद्योजकांना कृषी क्षेत्रात प्रशिक्षण देण्यात आले आहे.

पुढील तीन वर्षांत एकूण 5000 स्टार्टअप उद्योजकांना प्रशिक्षण देण्याचे लक्ष्य आहे. कृषी क्षेत्रात चांगली कामगिरी करणाऱ्या स्टार्टअप्सच्या यशाचा उपयोग करण्यावर भर दिला जाईल. देशात स्टार्टअप विकसित करण्यासाठी सरकारने एक हजार कोटी रुपयांच्या सीड फंडाची तरतूद केली आहे.