टाटा पंचला टक्कर देण्यासाठी Hyundai ने काढली CNG कार, 27 Kmpl मायलेजसह जबरदस्त फिचर्स, किंमत फक्त इतकी

नवी दिल्ली : Hyundai Exter CNG – वाढत्या महागाईमुळे पेट्रोल आणि डिझेल कारसोबत इलेक्ट्रिक कार चालवणे वाहनधारकांसाठी स्वस्त ठरत नाही कारण पेट्रोल, डिझेल आणि विजेच्या किमती दिवसेंदिवस वाढत आहेत अशा परिस्थितीत सीएनजी गॅस हा अधिक परवडणारा पर्याय ठरत आहे. त्यामुळेच ऑटो मार्केटमध्ये सीएनजी वाहनांच्या विक्रीत वाढ झाल्याचे दिसून येत आहे.

बाजारपेठेतील सीएनजी वाहनांची वाढती मागणी पाहून आता वाहन उत्पादक कंपन्या त्यांच्या मॉडेल्समध्ये सीएनजी प्रकारांचा प्रामुख्याने समावेश करत आहेत. या मालिकेत Hyundai मोटर कंपनीने भारतीय बाजारात ड्युअल-सिलेंडर तंत्रज्ञानासह Exeter CNG लाँच केले आहे.

कंपनीने ही CNG कार S, SX आणि Night Edition या एकूण 3 प्रकारांमध्ये बाजारात विक्रीसाठी लाँच केली आहे. दक्षिण कोरियाच्या कार निर्मात्याचा दावा आहे की नवीन Hyundai Exeter Hy-CNG Duo एक किलो CNG वर 27.1 किलोमीटर अंतर कापण्यास सक्षम असेल. या सीएनजी कारचे सर्वात मोठे फीचर्स म्हणजे यात 30 लिटर क्षमतेच्या 2 सीएनजी टाक्या आहेत. म्हणजेच या दोन टाक्या एकत्र करून या कारमध्ये 60 लिटर इंधन भरण्याची क्षमता असेल. दोन टाक्यांचा समावेश झाल्याने या गाडीच्या बूट स्पेसची क्षमताही वाढली आहे. जे जास्तीत जास्त सामान ठेवण्याची सुविधा देईल.

Hy-CNG Duo Hyundai Exeter ची फीचर्स

सीएनजी सेगमेंटमध्ये लॉन्च केलेल्या Hyundai Exeter च्या Hy-CNG Duo मॉडेलमध्ये अनेक प्रगत फीचर्स समाविष्ट करण्यात आली आहेत. ज्यामध्ये ड्युअल डॅश कॅमेरा, 6 एअरबॅग्ज, इलेक्ट्रॉनिक स्टॅबिलिटी कंट्रोल, हिल होल्ड कंट्रोल आणि रिअर कॅमेरा यांसारखी फीचर्स या कारला अधिक सुरक्षित बनवण्यात मदत करतील.

याशिवाय या सीएनजी कारमध्ये 15-इंच अलॉय व्हील, कीलेस-एंट्री, ऑटो क्लायमेट कंट्रोल, 8-इंच टचस्क्रीन, वायरलेस चार्जर, स्टीयरिंग-माउंटेड कंट्रोल्स, व्हॉईस-कंट्रोल सनरूफ यांसारखी फीचर्स देण्यात आली आहेत. या कारची रचना तिच्या पेट्रोल व्हेरियंटसारखीच आहे. त्याची डिझाईन लँग्वेज LED DRL सह बाय-प्रोजेक्टर ऑटो हेडलॅम्प्स सारखे प्रगत तंत्रज्ञान जोडते.

Hyundai Exeter ची Hy-CNG Duo पॉवरट्रेन

भारतात अलीकडेच लॉन्च झालेल्या Hyundai Exeter Hy-CNG Duo चे Hy-CNG तंत्रज्ञान एकात्मिक इलेक्ट्रॉनिक कंट्रोल युनिटद्वारे समर्थित आहे. तंत्रज्ञानामुळे ड्रायव्हरला सीएनजी आणि पेट्रोल इंधन यांच्यात सहजपणे स्विच करण्यात मदत होते आणि चांगले कार्यप्रदर्शन करण्यासही मदत होते. Hyundai च्या या कॉम्पॅक्ट SUV च्या Hy-CNG Duo मॉडेलमध्ये 1.2-लिटर, Kappa पेट्रोल इंजिन आहे. हे इंजिन 69ps पॉवर आणि 95.2Nm टॉर्क जनरेट करण्यास सक्षम आहे. ट्रान्समिशन 5-स्पीड मॅन्युअल गिअरबॉक्सशी जोडलेले आहे.

Hyundai Exeter Hy-CNG Duo किंमत

Hyundai Exeter ची Hy-CNG Duo CNG कार भारतीय बाजारात 8.50 लाख रुपये ते 9.38 लाख रुपये एक्स-शोरूमच्या सुरुवातीच्या किंमतीत विक्रीसाठी ऑफर केली आहे. ही कार टाटा पंच सीएनजीला टक्कर देईल, जी त्याच्या सीएनजी विभागातील ड्युअल-सिलेंडर तंत्रज्ञानाने सुसज्ज असेल.