Honda Activa EV ची किंमत ठरली, 27 नोव्हेंबरला होणार लॉन्च जाणून घ्या रेंज

नवी दिल्ली : Honda Activa EV – Honda ची नवीन इलेक्ट्रिक स्कूटर पुढील महिन्यात भारतात लॉन्च होणार आहे. पण लॉन्च होण्यापूर्वीच त्याची किंमत आणि रेंजची माहिती समोर आली आहे.

Honda Activa EV update : Honda Motorcycle & Scooter भारतातील पहिली इलेक्ट्रिक स्कूटर 27 नोव्हेंबर रोजी भारतात लॉन्च होणार आहे. कंपनीने या नवीन स्कूटरचा टीझर आधीच रिलीज केला आहे. परंतु कंपनीने अद्याप हे सांगितले नाही की नवीन स्कूटर फक्त Activa असेल की नवीन नावाने येईल. मात्र त्याचे नावही येत्या काही दिवसांत समोर येईल. या नवीन स्कूटरची किंमत आणि रेंज समोर आली आहे. तुम्हीही या स्कूटरची वाट पाहत असाल तर? चला तर मग जाणून घेऊया या स्कूटरबद्दल…

किंमत आणि रेंज (अपेक्षित)

सूत्रानुसार, होंडाच्या नवीन इलेक्ट्रिक स्कूटरची किंमत 1.20 लाख रुपयांपर्यंत असू शकते. एवढेच नाही तर ही स्कूटर एका चार्जवर 100-110km ची रेंज देऊ शकते. सध्यातरी याच्या बॅटरीबाबत कोणतेही अपडेट मिळालेले नाही. मीडिया रिपोर्ट्स आणि सूत्रांवर विश्वास ठेवला तर, नवीन स्कूटर Activa EV असेल. परंतु हे नवीन डिझाइन आणि फीचर्ससह येईल. सध्याच्या पेट्रोल स्कूटरच्या तुलनेत ती अधिक प्रगत फीचर्ससह येईल. जागेचीही पूर्ण काळजी घेतली जाईल. सामान ठेवण्यासाठी लहान स्टोरेज देखील त्यात आढळू शकते.

गेल्या वर्षी, होंडाने ईव्ही सेगमेंटमध्ये दोन नवीन स्कूटर लॉन्च करण्याबाबत माहिती दिली होती. यातील एक स्कूटर फिक्स्ड बॅटरीसह आणि दुसरी काढता येण्याजोग्या बॅटरीसह बाजारात आणली जाईल. पण भारतात लाँच होणारी पहिली इलेक्ट्रिक स्कूटर फिक्स्ड बॅटरीने सुसज्ज असेल असा विश्वास आहे. तर काही काळानंतर काढता येण्याजोग्या बॅटरीसह स्कूटर लॉन्च केली जाऊ शकते.

होंडाने इलेक्ट्रिक स्कूटर दाखवली

Honda ने EICMA 2024 मध्ये आपली नवीन इलेक्ट्रिक स्कूटर सादर केली. होंडाच्या या इलेक्ट्रिक स्कूटरला पॉवर करण्यासाठी दोन काढता येण्याजोग्या बॅटरी पॅकचा वापर करण्यात आला आहे. पूर्ण चार्ज केल्यावर 100-110km ची रेंज देईल असा कंपनीचा दावा आहे. या मॉडेलची संकल्पना गेल्या वर्षी टोकियो मोटर शोमध्येही दाखवण्यात आली होती.

समोरासमोर येतील

होंडाची नवीन इलेक्ट्रिक स्कूटर Ola S1, TVS iQube, Ather Rizta, 450, आणि Bajaj Chetak EV शी थेट स्पर्धा करेल. सध्या या स्कूटरच्या किंमतीबाबत कोणतीही माहिती मिळालेली नाही. या स्कूटरमध्ये डिजिटल डिस्प्ले असेल जो अनेक प्रगत फीचर्ससह येईल.