पिकअप ट्रक ओढणारी ही पहिली इलेक्ट्रिक स्कूटर, या दमदार स्कूटरची काय आहे किंमत

नवी दिल्ली : आपला इलेक्ट्रिक स्कूटर पोर्टफोलिओ मजबूत करण्यासाठी Ampere या महिन्यात ‘Ampere Nxg – The Next Big Thing’ लाँच करणार आहे. ही इलेक्ट्रिक स्कूटर पिकअप ट्रक देखील खेचू शकते.

कंपनीने सांगितले की, ‘द नेक्स्ट बिग थिंग’ अँपिअर इलेक्ट्रिक स्कूटरने 1860 किलो वजनाच्या पिकअप ट्रकचा अतिरिक्त भार आणि त्यात बसलेल्या दोन प्रवाशांना (सुमारे 140 किलो ) 2 किलोमीटरपर्यंत ओढले.

Ampere Nxg expected price : अपेक्षित किंमत
कंपनी भारतात ₹1.30 लाख ते ₹1.50 लाखांमध्ये Ampere Nxg – NEX Big Thing लाँच करू शकते. आगामी Ampere Nxg Ola S1 Pro शी स्पर्धा करेल. या स्कूटरची विशेष काश्मीर ते कन्याकुमारी (K2K) विशेष आवृत्ती देखील लॉन्च केली जाईल, जी खरेदीदार ₹ 499 भरून कंपनीच्या अधिकृत वेबसाइटवरून बुक करू शकतात.

ग्रीव्हज इलेक्ट्रिक मोबिलिटी प्रायव्हेट लिमिटेड (GEMPL) ने कच्छच्या वाळवंटावर आपल्या कंपनीचा सर्वात मोठा लोगो तयार केला. यासाठी इंडिया बुक ऑफ रेकॉर्डनेही जीईएमपीएलचा गौरव केला आहे.

Ampere Nxg : बॅटरी आणि रेंज
कंपनीने अद्याप Ampere Nxg च्या पॉवरट्रेनबद्दल कोणतीही माहिती शेअर केलेली नाही. वेबसाइटवरील टीझर इमेज सूचित करते की बॅटरी पॅक रायडरच्या सीटखाली असेल. मीडिया रिपोर्ट्सवर विश्वास ठेवला तर, Ampere च्या आगामी Nxg इलेक्ट्रिक स्कूटरची राइडिंग रेंज 120 किमी असू शकते. स्कूटर फास्ट चार्जिंगलाही सपोर्ट करेल.

Ampere Nxg : डिझाइन आणि ब्रेकिंग
स्कूटरमध्ये ऑल-एलईडी लाइटिंग, एच-स्टाईल एलईडी हेडलॅम्प, अँगुलर फेअरिंग, लो सेट फ्लाय स्क्रीन आणि 7.0-इंच TFT इन्स्ट्रुमेंट क्लस्टर पॅनेल, फ्लश फूटपेग्स आणि फ्रंट डिस्क ब्रेक आहेत.